കോളേജില്‍ പ്രീഡിഗ്രിക്ക് ചേരാന്‍ പോവുന്ന സമയം .പ്രിന്‍സിപ്പല്‍ അച്ഛന്‍ ഇന്റര്‍വ്യൂ സമയം ചോദിച്ചു സെക്കന്റ് ഗ്രൂപ്പ് ആണല്ലോ എടുക്കുന്നത് എന്താ ഡോക്ടര്‍ ആവനാണോ പ്ലാന്‍ .അപ്പോഴോ അച്ഛന് തോന്നിക്കാണും ഇവന്‍ അവിടേം വരെ ഒന്നും എത്തില്ല എന്ന്..എന്താണെങ്കിലും ക്ലാസ്സില്‍ ചെന്നപ്പോള്‍ ഞാനും ഷാജിയും സുധീറും ഒരുമിച്ചു ഒരേ ഡിവിഷനില്‍ . സ്കൂളിലും ഒരേ ക്ലാസ്സില്‍ ആയിരുന്നു. അത് വരെ ബോയ്സ് സ്കൂളില്‍ പഠിച്ച ഞാന്‍ ഞെട്ടിപ്പോയി . ഏതാണ്ട് ആണുങളുടെ അത്രയും പെണ്‍കുട്ടികളും ക്ലാസ്സില്‍ . സുവോളജി പഠിപ്പിക്കാന്‍ വന്ന daisy ടീച്ചറുടെ രീതിയില്‍ തന്നെ സംസാരിക്കാന്‍ പഠിച്ചു .അത് കേള്‍ക്കാന്‍ കൂടെ ഉള്ളവരെല്ലാം കൂടും . ഏതായാലും ക്ലാസ്സില്‍ അധികം സൈസ് ഇല്ലാതെ ഞാനും മനോജും മാത്രം .

കഴിവതും ലാസ്റ്റ് ടൈം ക്ലാസ്സില്‍ കയറാനാവും എന്റെ ശ്രമം .കൂടെയുള്ള പെണ്‍കുട്ടികളുമായി വലിയ കമ്പനി ഇല്ല. സമരം വരുമ്പോള്‍ ആകെ രേസം അന്ന് ഫുള്‍ ടൈം ക്രിക്കറ്റ് കളിക്കാമല്ലോ അതാണ് ചിന്ത .പൊതുവേ ഇടതു പക്ഷ വിദ്യാര്‍ഥി പ്രസ്ഥാനത്തോട് ഒരിഷ്ടം .പക്ഷെ വോട്ട് വരുമ്പോള്‍ എല്ലാര്ക്കും കൊടുക്കും .അവരുടെ ജാഥ കാണാന്‍ നല്ല രേസം .കേരള കോണ്‍ഗ്രസിന്റെ വിദ്യാര്‍ഥി പ്രസ്ഥാനമായിരന്നു കോളേജ് ഭരിച്ചിരുന്നത്. എന്റെ കസിന്‍ ആവട്ടെ കൊടികുത്തിയ കോണ്‍ഗ്രസ് കാരനും .

വരാന്തയില്‍ ആയിരിക്കും ഞങ്ങളുടെ തമാശകളും പൊട്ടിച്ചിരികളും.ദൂരെ നിന്ന് വരുന്ന ആ പെണ്‍കുട്ടിയെ ചൂണ്ടികാണിച്ചു ഷാജി പറഞ്ഞു നീ കണ്ടോ ആ പെണ്‍കുട്ടിയുടെ മീശ. ധൈര്യമുണ്ടോ നിനക്കവളെ മീശ എന്ന് വിളിക്കാന്‍ . ഒന്നും ആലോചിച്ചില്ല അവളെ കയറി മീശ എന്ന് വിളിച്ചു. അവള്‍ കുറെ അങ്ങ് പോയിട്ട് തിരിഞ്ഞു നിന്ന് രൂക്ഷമായി നോക്കിയിട്ട് പോയി.വിളിച്ചു കഴിഞ്ഞപ്പോള്‍് പേടിച്ചു പോയി .അവളെങ്ങാനും വലല്തും പറഞ്ഞാലോ എന്നാല്‍ കാര്യമായി ഒന്നും സംഭവിച്ചില്ല

കുറെ ദിവസം കഴിഞ്ഞു ഞങ്ങള്‍ കുറെ പേരെ ഉള്ളൂ.അവള്‍ ദൂരെ നിന്ന് വരുന്നത് കണ്ടു അടുത്ത് വന്നപ്പോള്‍ എന്നെ വിളിച്ചു കൂടെ ഒരു പെണ്കുട്ടിയും ഉണ്ട് .ഞാന്‍ ആകെ വിയര്‍ത്തു .ഇനി ഈ കുട്ടി എങ്ങാനും അച്ഛനോട് പറഞ്ഞു കൊടുക്കുമോ. എന്നെ മാറ്റി നിര്‍ത്തിയിട്ട്‌ പറഞ്ഞു ഇനി എന്നെ മീശ എന്ന് വിളിക്കരുതെന്നു .ഹോ എനിക്കാകെ ആശ്വാസമായി അപ്പോള്‍ ദൂരെ നിന്ന് കൂട്ടുകാരൊക്കെ സഹതാപത്തോടെ എന്നെ നോക്കുന്നുണ്ടായിരുന്നു

കൂടെ വന്ന പെണ്‍കുട്ടി എന്റെ ഒരു relative ആയിരുന്നു അവളുടെ കാലില്‍ പിടിക്കേണ്ടി വന്നു വീട്ടില്‍ പോയി പറയാതെ ഇരിക്കാന്‍.